Siste oppdatering

Fylkesgeodataplan for Møre og Romsdal

Fylkesgeodataplan for Møre og Romsdal for perioden 2025-2028 vart vedteken i geodatautvalet 31. oktober 2024.

Kartverket Møre og Romsdal er sekretariat for fylkesgeodatautvalet i fylket. Det utarbeider utkast til nye geodataplanar. Utkastet er basert på mottekne innspel om kartleggingsbehov, ønska prioriteringar frå partane i fylket og føringar gitt frå myndigheitene.

Det er fylkesgeodatautvalet for Møre og Romsdal som vedtar geodataplanen og hovudsatsingsområda i planperioden.

Fokusområde og satsingar i planperioden

Fylkesgeodatautvalet i Møre og Romsdal vil ha følgjande fokusområde og satsingar lokalt i planperioden:

  • Ajourføre FKB-data i område med FKB C/D-standard i heile fylket gjennom Geovekst-prosjekt som nyttar bilete frå omløpsfotograferinga
  • Gjere fleire historiske ortofoto tilgjengelege
  • Auke samarbeid mellom partane innan samferdselsdata.
  • Tilrettelegging for flaumanalysar: Vidareføre arbeidet med kvalitetsheving av FKB-Vann mha. dreneringslinjer. Arbeide for kartlegging av stikkrenner og kritiske punkt i bekk og vassdrag.

Geodataplanens oppbygging

Geodataplanen er ein plan for Noreg digitalt-samarbeidet i dei enkelte fylka. Han omhandlar det dei lokale partane samarbeider om eller planlegg å samarbeide om i sin region. Arbeid som dei enkelte partane har ansvar for, men som ikkje er omfatta av samarbeidet, er ikkje ein del av denne geodataplanen.

Planen består av to delar:

  1. Eit fellesdokument som er likt i alle fylka i landet. Dette dokumentet inneheld generell informasjon og overordna føringar for det lokale geodatasamarbeidet i Noreg digitalt. Her er det ei kort innføring i korleis Noreg digitalt-samarbeidet er organisert og kva som er dei viktigaste rammevilkåra for samarbeidet lokalt. Dette dokumentet skal vere likt for alle fylke og ikkje endrast lokalt.
  2. Ein fylkesgeodataplan som er utarbeidd spesielt for eit fylke eller ein region. Fylkesgeodataplanen handlar om dei aktivitetane det blir samarbeidd om lokalt.

I tillegg er det utarbeida ein handlingsplan som samstiller alle tiltaka for kvart enkelt prosjekt.

Kontakt

Noreg digitalt i Møre og Romsdal

Kartverket ved fylkeskartkontora skal etablere ein felles arena i fylka for arbeidet med datagrunnlag som inngår i Noreg digitalt.

Norge digitalt (ND)

Norge digitalt er et samarbeid mellom virksomheter med ansvar for å levere stedfestet informasjon, eller som er store brukere av slik informasjon.

Forvaltning av kartdata

Veiledninger, verktøy og rutiner for forvaltning, drift og vedlikehold av kartdata som inngår i Felles kartdatabase (FKB).
Del
Norge digitalt
Geodataarbeid
Kartverket Møre og Romsdal
XPPT