Báikenamat ja almmolaš gielat Norggas

Dát artihkal gávdno maiddái dárogillii, geahča Stadnamn og offisielle språk i Noreg.

Dárogiela riektačállimis leat guokte čállingiela main leat guokte riektačállinnjuolggadusa; girjedárogiella ja ođđadárogiella. Dasa lassin leat guovllolaš dahje unnitlohkogielat, sámegiella (máttasámegiella, julevsámegiella, davvisámegiella) ja kvenagiella.

Dárogiella

Ovddeš normerennjuolggadusat báikenamaide, 1912 rájes gitta 1957 rádjai, mearridedje ahte ođđadárogiela riektačállin (riikagiela riektačállin) galggai čuvvojuvvot. Ovdamearkka dihte galggai čállit -vatn ja -skjer miehtá riikka, vaikko daddjojuvvui /vann/ ja /skjær/.

Otná njuolggadusain leat girjedárogiella ja ođđadárogiella ovtta dásis. Váldonjuolggadus lea ahte vuođđun galgá leat báikkálaš árbejuvvon dadjanvuohki.

Báikenamain ii earut gaskal girjedárogiela ja ođđadárogiela. Jávrenama Mjøvann Skien gielddas galgá ovdamearkka dihte čállit nie sihke girjedárogillii ođđadárogillii, ja Botsvatn ja Kaldsvatn Bykle gielddas galgá fas čállit -vatn.

Máŋggagielat guovllut

Báikenammalága § 11 nuppi lađđasis daddjojuvvo ahte máŋggagielat guovlluin galget sámi ja kvena namat leat almmolaš anus dalle go geavahuvvojit olbmuid gaskkas geat ásset bissovaččat dahje geain lea ealáhuslaš čanastupmi báikái. Galget geavahuvvot kárttain, šilttain, registariin, ovttas vejolaš dárogiel namain.

§ 4 nammalága njuolggadusain čilge davvisámegiela, julevsámegiela ja máttasámegiela riektačállima geográfalaš viidodaga.

Namaid vurrolasvuohta máŋggagielat guovllus

Sámegiela hálddašanguovlluin galgá namaid vurrolasvuohta leat sámegiella, dárogiella, kvenagiella. Sámegiela hálddašanguvlui gullet njeallje davimus fylkkagieldda ja dat gielddat mat leat listtus dás vulobealde (gielddat fylkkaid mielde dás čájehuvvon). Porsáŋggu dárogielnamma gal lea ovddemus, nu mot suohkan mearridii ovdal go báikenammaláhka bođii.

Finnmark – Finnmárku – Finmarkku:
Deatnu – Tana, Guovdageaidnu – Kautokeino, Kárášjohka – Karasjok, Porsanger – Porsáŋgu – Porsanki, Unjárga – Nesseby

Troms – Romsa – Tromssa
Dielddanuorri – Tjeldsund, Gáivuotna – Kåfjord – Kaivuono, Loabák – Lavangen

Nordland – Nordlánnda – Nordlánda – Nordlaante:
Aarborte – Hattfjelldal, Hábmer – Hamarøy

Trøndelag – Trööndelage:
Raarvihke – Røyrvik, Rosse - Røros, Snåase – Snåsa

Máŋggagielat fylkka- ja gielddanamat

Báikenammaláhka ii guoskka fylkka- ja suohkannamaide. Suohkan- ja guovlludepartemeanta mearrida namaid. Dávjá bidjet dan giela ovddemussii, mii báikenammalága mielde galgá leat ovddemus.

Dás leat buot máŋggagielat namaid maid departemeanta lea mearridan. Rođuid siste čuožžu guhtemuš gillii namma lea. Dasto leat buot namat fylkkaide mielde ja mot báikenama čállá funkšuvdnalasáhusain ja funkšuvdnalasáhusa haga. Dan geažil go sámegiella ja kvenagiella leat kasusgielat, de galgá geavahit genitivhámi báikenamas go fylkka ja gieldda namahus (funkšuvdnalasáhus) lea mielde Namaid sáhttá ohcat dás: Norgeskart.no. Doppe leat eambbo dieđut namaid birra. Dás čilgejuvvo mot galgá ohcat: Finn stadnamn i kart og Sentralt stadnamnregister (SSR).

Gielddat main leat máŋggagielat namat:

Finnmark (dárogiella) – Finnmárku (davvisámegiella) – Finnmarkku (kveanagiella):

1. Deatnu (davvisámegiella) – Tana (dárogiella)
2. Guovdageaidnu (davvisámegiella) – Kautokeino (dárogiella)
3. Hammerfest (dárogiella) – Hámmerfeasta (davvisámegiella)
4. Kárášjohka (davvisámegiella) – Karasjok (dárogiella)
5. Porsanger (dárogiella) – Porsáŋgu (davvisámegiella) – Porsanki (kveanagiella)
6. Unjárga (davvisámegiella) – Nesseby (dárogiella)

Troms (dárogiella) – Romsa (davvisámegiella) – Tromssa (kveanagiella):

1. Dielddanuorri (davvisámegiella) – Tjeldsund (dárogiella)
2. Gáivuotna (davvisámegiella) – Kåfjord (dárogiella) – Kaivuono (kveanagiella)
3. Harstad (dárogiella) – Hárstták (davvisámegiella)
4. Loabák (davvisámegiella) – Lavangen (dárogiella)
5. Lyngen (dárogiella) – Ivgu (davvisámegiella) – Yykeä (kveanagiella)
6. Nordreisa (dárogiella) – Ráisa (davvisámegiella) – Raisi (kveanagiella)
7. Rivtták (davvisámegiella) – Gratangen (dárogiella)
8. Storfjord (dárogiella) – Omasvuotna (davvisámegiella) – Omasvuono (kveanagiella)

Nordland (dárogiella) – Nordlánnda (julevsámegiella) – Nordlánda (davvisámegiella) – Nordlaante (lullisámegiella):

1. Aarborte (lullisámegiella) – Hattfjelldal (dárogiella)
2. Evenes (dárogiella) – Evenášši (davvisámegiella)
3. Fauske (dárogiella) – Fuossko (julevsámegiella)
4. Hábmer (julevsámegiella) – Hamarøy (dárogiella)
5. Rana (dárogiella) – Raane (lullisámegiella)
6. Sortland (dárogiella) – Suortá (davvisámegiella)
7. Steigen (dárogiella) – Stájggo (julevsámegiella)
8. Sørfold (dárogiella) – Fuoldá (julevsámegiella)

Trøndelag (dárogiella) – Trööndelage (lullisámegiella):

1. Levanger (dárogiella) – Levanke (lullisámegiella)
2. Namsos (dárogiella) – Nåavmesjenjaelmie (lullisámegiella)
3. Raarvihke (lullisámegiella) – Røyrvik (dárogiella)
4. Rosse (lullisámegiella) – Røros (dárogiella)
5. Snåase (lullisámegiella) – Snåsa (dárogiella)
6. Steinkjer (dárogiella) – Stïentje (lullisámegiella)
7. Trondheim (dárogiella) – Tråante (lullisámegiella)