Status kartlegging i Møre og Romsdal
Her finn du ein oversikt over pågåande kartleggings-prosjekt i regi av Geovekst i fylket. Nedst finn du informasjon om det avslutta prosjektet «Historiske ortofoto M&R 2021».
Sunnmøre nord LASER 2024
Geovekstprosjektet omfattar laserskanning med punkttettleik på 10 punkt/m2 for eit område på omlag 740 km2 i Ålesund, Haram, Sula, Giske, Stranda, Sykkylven og Fjord kommunar. Oppdraget er tildelt Field.
Sunnmøre nord 2024
Geovekstprosjektet omfattar område i kommunane Ålesund, Haram, Sula, Giske, Stranda, Sykkylven og Fjord.
I dette prosjektet skal vi flyfotografere og få produsert ortofoto for eit område på omlag 300 km2. Vi skal ajourføre FKB-data i eit område på omlag 650 km2. Oppdraget er tildelt Hexagon.
Nordmøre FKB-C
Vi konstruerer FKB-data på nytt etter C-standard i eit område på omlag 3986 km2. Det er ingen ny datafangst i dette prosjektet. Vi nytter bileta frå omløpsfotograferinga frå 2022. Oppdraget er tildelt Field.
Sunnmøre sør laser 2023
Geovekstprosjektet omfattar laserskanning med punkttettleik på 10 punkt/m2 for eit område på omlag 419 km2 i Volda, Ørsta, Sande, Herøy, Hareid og Ulstein kommunar.
Datafangst er ferdig.
Punktskya er tilgjengeleg i høydedata.no.
Sunnmøre sør 2023
Geovekstprosjektet omfattar område i kommunane Volda, Ørsta, Vanylven, Sande, Herøy, Hareid og Ulstein.
I dette prosjektet skal vi flyfotografere og få produsert ortofoto for eit område på omlag 1427 km2, som vist på kartutsnittet under. Vi skal ajourføre FKB-data i eit område på omlag 628 km2. Oppdraget er tildelt Field.
Vêrgudane var ikkje på vår side i 2023, og kun 60% av området var fotografert. Dei 40% som står igjen vil etter planen bli fotografert i 2024.
The mail has been sent!