Last updated 2024-03-01

Báikenamat ja riektačállin

Dárogiela, sámegiela ja kvenagiela riektačállinnjuolggadusat leat vuođđun go galgá mearridit báikenamaid čállinvuogi.

Dát artihkal gávdno maiddái dárogillii, geahča Stadnamn og rettskriving.

Dárogiela riektačállimis leat mis čállingiela main leat guokte riektačállinnjuolggadusa; girjedárogiella ja ođđadárogiella. Dasa lassin leat mis guovllolaš dahje unnitlohkogielat, sámegiella (máttasámegiella, julevsámegiella, davvisámegiella) ja kvenagiella.

Dárogiella

Ovddeš normerennjuolggadusat báikenamaide, 1912 rájes gitta dassážii go báikenamaid čállinvuogi njuolggadusat bohte, mearridedje ahte ođđadárogiela riektačállin (riikagiela riektačállin) galggai čuvvojuvvot. Ovdamearkka dihte galggai čállit -vatn ja –skjer miehtá riikka, vaikko daddjojuvvui /vann/ ja /skjær/.

Otná njuolggadusain leat girjedárogiella ja ođđadárogiella ovtta dásis. Váldonjuolggadus lea ahte vuođđun galgá leat báikkálaš árbejuvvon dadjanvuohki ja čállinvuohki galgá čuovvut dárogiela gustovaš riektačállinprinsihpaid (girjedárogiella dahje ođđadárogiella).

Lea eahpeáššálaš earuhit gaskal girjedárogiela ja ođđadárogiela báikenamaid čállinvuogis. Jávrenama Mjøvann Skien gielddas galgá ovdamearkka dihte čállit nie teavsttain mat leat sihke girjedárogillii ođđadárogillii, ja Botsvatn ja Kaldsvatn Bykle gielddas galga fas čállit vatn-sániin.

Máŋggagielat guovllut

Báikenammalága § 11 nuppi oasis daddjojuvvo ahte máŋggagielat guovlluin galget sámi ja kvena namat mat geavahuvvojit olbmuid gaskkas geat ásset bissovaččat dahje geain lea ealáhuslaš čanastupmi báikái, galget leat almmolaš anus dábálaččat, omd. kárttain, šilttain, registariin, ovttas vejolaš dárogiel namain.

§ 4 nammalága njuolggadusain čilge davvisámegiela, julevsámegiela ja máttasámegiela riektačállima geográfalaš viidodaga.

Sámegiela hálddašanguovlu

Sámegiela hálddašanguovlluin galgá namaid vurrolasvuohta leat sámegiella, dárogiella, kvenagiella.

Sámegiela hálddašanguvlui gullet njeallje davimus fylkkagieldda ja dát gielddat (sirrejuvvon fylkkaid mielde):

Finnmark – Finnmárku – Finmarkku:
Guovdageaidnu – Kautokeino, Kárášjohka – Karasjok, Deatnu – Tana, Unjárga – Nesseby, Porsanger – Porsáŋgu – Porsanki (gielddanamma oktan gielddanama maŋŋálasvuođain mearriduvvui ovdal go gustovaš vurrolasvuođanjuolggadus bođii fápmui).

Troms – Romsa – Tromssa
Gáivuotna – Kåfjord – Kaivuono, Loabák – Lavangen, Dielddanuorri – Tjeldsund

Nordland – Nordlánnda:
Aarborte – Hattfjelldal, Hábmer – Hamarøy

Trøndelag – Trööndelage:
Snåase – Snåsa, Raarvihke – Røyrvik, Rosse – Røros

Máŋggagielat fylkka- ja gielddanamat

Troms og Finnmark – Romssas ja Finnmárkkus – Tromssa ja Finmarkku leat golmmagielat namat, Nordland – Nordlánnda ja Trøndelag – Trööndelagesne lea fas lea guovttegielat namma.

Gielddat main leat guovttegielat namat:

Vihtta gieldda Finnmárkkus: Guovdageaidnu – Kautokeino, Kárášjohka – Karasjok, Deatnu – Tana, Unjárga – Nesseby, Hammerfest – Hámmerfeasta
Njeallje gieldda Romssas: Loabák – Lavangen, Gratangen – Rivtták, Harstad – Hárstták, Dielddanuorri – Tjeldsund
Čieža gieldda Norlánddas: Hábmer – Hamarøy, Fauske – Fuossko, Sortland – Suortá, Aarborte – Hattfjelldal, Evenes – Evenášši, Sørfold – Fuolldá, Rana - Raane
Guhtta gieldda Trøndelágas: Snåase – Snåsa, Raarvihke – Røyrvik, Namsos – Nåavmesjenjaelmie, Rosse – Røros, Trondheim – Tråante, Levanger – Levanke

Gielddat main leat golmmagielat namat:

Njeallje gieldda Romssas ja Finnmárkkus: Porsanger – Porsáŋgu – Porsanki, Storfjord – Omasvuotna – Omasvuono, Gáivuotna – Kåfjord – Kaivuono, Nordreisa – Ráisa – Raisi

Dan geažil go sámegiella ja kvenagiella leaba kasusgielat, de galgá geavahit genitivhámi báikenamas go fyllkka ja gieldda namahus (funkšuvdnalasahus) lea mielde.

Máŋggagielat fylkka- gielddanamat (sámegielnamma čuožžu ovddemus gielddain mat leat mielde sámegiela hálddašanguovllu, earret Porsáŋggu gielddas, geahča bajábealde):

Fylkka namma


Finnmark – Finnmárku – Finmarkku	Finnmark fylke – Finnmárkku fylka – Finmarkun fylkki
Troms – Romsa – Tromssa	Troms fylke – Romssa fylka – Tromssan fylkki
Nordland – Nordlánnda	Nordland fylke – Nordlánda fylkka
Trøndelag – Trööndelage	Trøndelag fylke – Trööndelagen fylhke

Finnmárku


Guovdageaidnu – Kautokeino	Guovdageainnu suohkan – Kautokeino kommune
Kárášjohka – Karasjok	Kárášjoga gielda – Karasjok kommune
Deatnu – Tana	Deanu gielda – Tana kommune
Unjárga – Nesseby	Unjárgga gielda – Nesseby kommune
Porsanger – Porsáŋgu – Porsanki	Porsanger kommune – Porsáŋggu gielda – Porsangin komuuni
Hammerfest – Hámmerfeasta	Hammerfest kommune – Hammerfeastta suohkan

Romsa


Nordreisa – Ráisa – Raisi	Nordreisa kommune – Ráissa suohkan – Raisin komuuni
Gáivuotna – Kåfjord – Kaivuono	Gáivuona suohkan – Kåfjord kommune – Kaivuonon komuuni
Storfjord – Omasvuotna – Omasvuono	Storfjord kommune- Omasvuona suohkan – Omasvuonon kunta
Loabák – Lavangen	Loabága suohkan – Lavangen kommune
Gratangen – Rivtták	Gratangen kommune – Rivttága suohkan
Harstad – Hárstták	Harstad kommune – Hársttáid suohkan
Dielddanuorri – Tjeldsund	Dielddanuorri suohkan – Tjeldsund kommune

Nordlánda


Evenes – Evenášši	Evenes kommune – Evenášši suohkan
Sortland – Suortá	Sortland kommune – Suorttá suohkan
Hábmer – Hamarøy	Hábmera suohkan – Hamarøy kommune
Sørfold – Fuolldá	Sørfold kommune – Fuoldá suohkan
Fauske – Fuossko	Fauske kommune – Fuosko suohkan
Rana – Raane	Rana kommune – Raanen tjïelte
Aarborte – Hattfjelldal	Aarborten tjïelte – Hattfjelldal kommune

Tröndelaage


Snåase – Snåsa	Snåasen tjïelte – Snåsa kommune
Raarvihke – Røyrvik	Raarvihken tjïelte – Røyrvik kommune
Namnsos – Nåavemesjenjaelmie	Namsos kommune – Nåavmesjenjaelmien tjïelte
Levanger – Levangke	Levanger kommune – Levangken tjïelte
Rosse – Røros	Rossen tjïelte – Røros kommune
Trondheim – Tråante	Trondheim kommune – Tråanten tjïelte

Stadnamn

On land